പരസ്പരം മൌനമായ് അങ്ങകലേക്ക്

നോക്കിയിരിക്കുന്നു നമ്മളീ ഒറ്റത്തുരുത്തിൽ

ഇറ്റിടുവീഴുന്ന പ്രണയമെൻ കണ്‍കളിൽ

ഒരുമധുര സ്വപ്നമായ് പകർന്നിടുന്നു

ഈ മൌനവും സ്വപ്നവും നിൻ കണ്ണിണകളിൽ

തീർക്കുന്നു ഒറ്റമരതിൻ കഴുമരവും

ഒടുവിൽ നിൻ മൌനവും ഒരുപാടു പ്രണയവും

ഏറ്റുന്നു എന്നെയാ കഴുമരത്തിൽ .....

നിൻ പ്രണയ സുന്ദരമീ കണ്ണിണകളിൽ

ഒരിറ്റു പ്രാണ വായുവിനായ് അലയുന്നു

ഞാനൊരു വിരഹ ദേഹിയെ പോൽ.....

വിരഹ ദേഹിയെ പോൽ .....

Date : 17/10/2015

കാലം

ശുദ്ധം ശൂന്യം ഈ മഹാതിമിരം
ബാധിതമായോ മാളോർക്കെല്ലാം

ശുദ്ധം ശൂന്യം ഈ ബോധമണ്ഡലം
നഷ്ടപെട്ടുവോ മനുഷ്യരാശിക്ക്‌

ശുദ്ധം ശൂന്യം ഈ സിരാകേന്ദ്രം
കൂട്ടുന്നതില്ലേ കാണുന്ന കാഴ്ചകൾ

ശുദ്ധം ശൂന്യം ഈ മഹാഭൂതലം
അറിയുന്നില്ലേ വരുംകാല കാഹളം 

ഒരു കുഞ്ഞു പൂവിന്‍ സുഗന്ധമിന്നൊരു
മഞ്ഞുതുള്ളി പോലെ മനസിലലിഞ്ഞു ചേരവേ
കാലമെന്‍ കൈയിലിടുന്നു വിലങ്ങുകള്‍
ഏതോ മറയുടെ കാഹളം പോലവേ.

അരുതാത്തതൊന്നും ചെയ്തതില്ല ഞാന്‍
എന്നിട്ടുമെന്തേ എന്‍ കൈയ്കളില്‍ കരിപുരണ്ടു
കാലത്തിന്‍ മറയോ മറവിതന്‍ മയമോ
തിരശീലയിലിന്നു പ്രതിഫലിപ്പൂ.

ഋതുക്കള്‍ മാറി മറയുന്നു അങ്ങകലെ
കേവലമാം ഒരു ധ്വനി നിറയുന്നു മനസ്സിലും
ആര്‍ത്തനാദത്തിന്‍റെ കലംബലുകള്‍
ഉഴറുന്നുവല്ലോ അങ്ങു ചക്രവാളം.

ആര്‍ദ്രമാം മനസിന്‍റെ വേദന ഒരു മഞ്ഞു
തുള്ളിയില്‍ തട്ടിയുടഞ്ഞു പോകുമ്പോള്‍, ഞാന്‍
ഓര്‍ത്തു പോയ് എന്‍റെ നിരപരാധിത്വം.